وضعنا الحالى …. هل يمكننا تغيره ؟؟

Standard

هذا النص منقول عن لسان الفنانة ماجدة الرومى لكنه يصف حالنا المصرى

كم سنه هنفضل منتظرين  عشان نشوف خلاص مصر
كم قلب  بعد لازم ينكسر
كم بيت بعد لازم يخسر
كم بيت بعد لازم يخرب
كم مصرى لازم ينام على الغم ويقوم على الهم
كم شاب وشابة مصريين لازم يعتصموا ويشردو عشان انتو تجتمعوا وتقرروا مصيرنا

لامته ننقسم لحد ما نضيع ونبقى اولنين وتانين
مين الاوليين ومين التانين .. مش كلكم مصريين
والشهداء كلهم اللى ماتوا …. مش كلهم مصريين
مش كلهم اخواتنا وحرقوا قلوبنا وكل تهمتهم  انهم مصريين
قد ايه مؤلم الكلام ده
ولو انا متهم انى مصرى … يا هنايا

بعد 30 سنه ذل وهم ما بقى بيهمنى اشهد لاى انسان على الارض خاصة فى السياسه ..انا بشهد لربنا
وربنا بيحب السلام .. ربنا ضد العنف
ربنا بيقول اليوم اشهد للحق .. اشهد لدم خيرة شبابنا
اشهد لسيادة الارض دى وحريتها واستقلالها مثل ما بيليق لمواطن عنده كرامه من مصر
اشهد لهذا الشعب المصرى المعذب الشهيد اللى بيموت كل يوم الف موته
اللى بيعيش من حلاوة الروح ومكفى
هما دول اللى عاوز اشهدلهم

بتقولو انكم مؤتمنين على مصر
بتقولوا انكم مؤتمنين على سيادة مصر
بتقولوا انكم مؤتمنين على سلامتنا
وانتو بتعرفوا اننا مش فى خير .. انتو فتتوا هذا البلد
انتو عاوزين تعملو وطن على اد الاحزاب
انتو عاوزين تعملوه على اد الكرسى
هو اكبر منكم بكتير

انتو اللى فرقتونا
انتو اللى بهدلتونا
انتو اللى قسمتونا بقلب البيت الواحد
وانتو اللى ربطوا قصتنا بقصص نص الكره الارضيه

ازاى بتقبلو اننا كل ما حد يتكلم .. لازم ناخد علقه هنا
ليه احنا اللى لازم ننضرب
ليه لازم احنا اللى ندفع من ارزاقنا وقوتنا وصحتنا وشبابنا
وليه احنا اللى لازم نموت عنهم .. مش هما اللى يموتوا عن نفسهم
ليه احنا اللى لازم نكون احنا ورقه بيتلعب بيها
ليه بتقبلو بانقسامكم 30 سنه لييييييييه قدام الدنيا كلها
انتو مش قادرين تديروا شئؤن هذا الوطن
يمكن ده الطلب الاخير بس لو الطلب ده انتو هتعملوه
انتو مؤتمنين على حرية هذا البلد وسيادتنا وكرمتنا
كفايا بقى كفايا

انا هنا بتكلم مش عشان انا سياسى … انا مش سياسى …
انا مصرى مليش علاقة بالسياسة وفيه كتير زيى
بس بين الاولانين والتانين ومش عارف مين .. احنا متعلقين
اتركونا نعيش … باسم الحق .. باسم ربنا والدين اللى بتقول انكم بتحبوه
اتركوا الدوله دى دوله .. من مصلحه مين يكون الوطن ده بلا مستقبل ولا هويه
من مصلحة مين يكون فين 100 الف دوله جوا الدوله
بعد شويه هتكون كل مدينة كل قريه بقت دوله

معدش فيه لا صغير ولا كبير وغنى ولا فقير ولا صالح ولا طالح ما اتكلم بالسياسه
احنا ملناش علاقة بالسياسه .. اومال مين اللى هيشتغل بدل كلنا بقينا سياسيين ؟؟؟

لازم تكون مصر دوله لها كرمتها ولها كلمتها

يا مجلس ويا حكومه انا بناشدكم ..
بالله عليكو ترحمونا .. وتنقذو البلد بدل التخاذل والتباطؤ
خنقتونا .. خنقتونا لحد ما بقى فيه حد عاوز يسمعكو .. خسرتو ثقة الناس كلها فيكو .

منقول باللهجة المصرى …

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s